ਗਰਾਮ ਵਿਕਾਸ ਕਮੇਟੀ (Village Development Committee)

                                         ਨਿਯਮ ਅਤੇ ਬੱਧਤਾ 

 

ਗਰਾਮ ਵਿਕਾਸ ਕਮੇਟੀ : ਮੂਸਾਪੁਰ, ਨਵਾਂ ਸ਼ਹਿਰ (ਸ.ਭ.ਸ. ਨਗਰ ) ਪੰਜਾਬ  |
      
1)- ਨਾਮਕਰਣ :
       ਪਿੰਡ ਮੂਸਾਪੁਰ ਦੀ ਵਿਕਾਸਸ਼ੀਲ ਕਮੇਟੀ ਦਾ ਨਾਮ “ਗਰਾਮ ਵਿਕਾਸ ਕਮੇਟੀ: ਮੂਸਾਪੁਰ” ਰੱਖਿਆ ਜਾਂਦਾ ਹੈ |

2)- a)-ਮੈਂਬਰਸ਼ਿਪ :
      ਪਿੰਡ ਮੂਸਾਪੁਰ ਦੀ ਇਸ ਸਭਾ ਵਿੱਚ ਹੇਠ ਲਿਖਿਆਂ ਵਿਚੋਂ ਕਿਸੇ ਇਕ ਕਿਸਮ ਦੇ ਵਿਅਕਤੀ/ਔਰਤਾਂ ਮੈਂਬਰ ਬਣ ਸਕਦੇ ਹਨ :-
A)- ਜੋ ਵਿਅਕਤੀ ਇਸ ਪਿੰਡ ਵਿੱਚ ਪੱਕੇ ਤੌਰ ‘ਤੇ ਰਹਿ ਰਿਹਾ ਹੋਵੇ ਜਾਂ ਵਿਦੇਸ਼ ਵਿੱਚ ਜਿਸ ਦਾ ਅਤੀਤ ਪਿੰਡ ਨਾਲ ਜੁੜਿਆ ਹੋਵੇ |
B)- ਪਿੰਡ ਦੇ ਮੌਜੂਦਾ ਜਾਂ ਸਾਬਕਾ ਪੰਚਾਇਤੀ ਮੈਂਬਰ (ਪੰਚ, ਸਰਪੰਚ, ਨੰਬਰਦਾਰ) ਜਾਂ
C)- ਪਿੰਡ ਦਾ ਵਿਅਕਤੀ ਜਾਂ ਔਰਤ  ਜੋ ਸਰਕਾਰੀ/ਗੈਰ-ਸਰਕਾਰੀ/ਪ੍ਰਾਈਵੇਟ ਕਿਸੇ ਵੀ ਅਦਾਰੇ ਵਿਚੋਂ ਰਿਟਾਇਰ ਹੋਇਆ ਹੋਵੇ |
D)- ਪਿੰਡ ਦੀਆਂ ਧਾਰਮਿਕ ਸੰਸਥਾਵਾਂ/ਪ੍ਰਬੰਧਕ ਕਮੇਟੀਆਂ/ਸੁਸਾਇਟੀਆਂ/ਕਲੱਬਾ ਵੱਲੋਂ ਅਧਿਕਾਰਿਤ ਮੈਂਬਰ | ਜਾਂ
E)- ਜਿਸਦੀ ਉਮਰ 18 ਸਾਲ ਤੋਂ 60 ਸਾਲ ਹੋਵੇ ਅਤੇ (A ਤੋਂ D) ਵੱਲੋਂ ਪ੍ਰਮਾਣਿਤ/ਨਾਮਜਦ  ਕੀਤਾ ਗਿਆ ਹੋਵੇ |

2)- b)- ਸ਼ਰਤਾਂ :
A)- ਉਹ ਪਿੰਡ ਦਾ ਪੱਕਾ ਵਸਨੀਕ/ਜਮਪਲ ਹੋਵੇ |
B)- ਉਸ ਕੋਲ ਘਟੋ-ਘੱਟ ਦੋ ਘੰਟੇ ਅਤੇ ਵੱਧ ਤੋਂ ਵੱਧ , ਪਿੰਡ ਦੀ ਸੇਵਾ/ਵਿਕਾਸ ਕਾਰਜਾਂ ਲਈ ਸਮਾਂ ਹੋਵੇ |
C)- ਉਹ ਪਿੰਡ ਦੀਆਂ ਭੂਗੋਲਿਕ/ਆਰਥਿਕ/ਸਮਾਜਿਕ ਅਤੇ ਧਾਰਮਿਕ ਪ੍ਰਸਥਿਤੀਆਂ  ਪ੍ਰਤੀ ਪੂਰੀ ਤਰ੍ਹਾਂ  ਜਾਣੁ ਹੋਵੇ |
D)- ਉਹ ਅਗਾਂਹਵਧੂ /ਸਾਰਥਿਕ ਸੋਚ ਵਾਲਾ ਆਸ਼ਾਵਾਦੀ ਹੋਵੇ |
E)- ਉਹ ਰਾਜਨੀਤੀ/ਪੱਖਪਾਤ/ਜਾਤੀਵਾਦ ਆਦਿ ਤੋਂ ਉੱਪਰ ਉਠ ਕੇ ਸਰਬੱਤ ਦੇ ਭਲੇ ਲਈ ਕੰਮ ਕਰਨ ਵਾਲਾ ਹੋਵੇ |
F)- ਉਹ ਆਪਣੇ ਫਰਜਾਂ ਅਤੇ ਜਿਮ੍ਹੇਵਾਰੀਆਂ ਪ੍ਰਤੀ ਪੂਰਨ ਵਫ਼ਾਦਾਰ ਹੋਵੇ |
G)- ਉਸ ਵਿਚ ਸਹਿਨਸ਼ੀਲਤਾ/ਲਿਆਕਤ/ਨਿਮਰਤਾ ਅਤੇ ਨਿਪੁੰਨਤਾ ਵਰਗੇ ਗੁਣ ਹੋਣੇ ਚਾਹੀਦੇ ਹਨ |
H)- ਉਸ ਵਿਚ ਦੂਜਿਆਂ ਨੂੰ ਸੁਣਨ ਦੀ ਸਮਰਥਾ ਤੇ ਸੋਚ ਸਮਝ ਕੇ ਸੱਚ 'ਤੇ ਬੋਲਣ ਦੀ ਤਾਕਤ ਹੋਣੀ ਚਾਹੀਦੀ ਹੈ |
I)- ਉਹ ਇੱਕ ਵਧੀਆ ਬੁਲਾਰਾ ਤੇ Decision Maker ਹੋਣਾ ਚਾਹੀਦਾ ਹੈ |

3)- ਗਵਰਨਿੰਗ ਬੌਡੀ :
ਇਹ, ਇਸ ਸੁਸਾਇਟੀ/ਕਮੇਟੀ  ਦਾ ਮੁੱਖ ਵਰਗ ਹੈ, ਜਿਸ ਵਿੱਚ ਘੱਟ ਤੋਂ ਘੱਟ 11 ਮੈਂਬਰ ਅਤੇ ਵੱਧ ਤੋਂ ਵੱਧ 33 ਮੈਂਬਰ ਹੋ ਸਕਦੇ ਹਨ, ਗਰੁੱਪ B ਦੇ ਸਾਰੇ ਮੈਂਬਰ ਪੜ੍ਹੇ-ਲਿਖੇ, ਸੂਝਵਾਨ, ਡਿਗਰੀ ਹੋਲ੍ਡਰ ਜਾਂ ਵਿਸ਼ੇ ਪ੍ਰਤੀ ਮਾਹਿਰ ਵਿਅਕਤੀ ਹੋਣੇ ਚਾਹੀਦੇ ਹਨ | "ਗਵਰਨਿੰਗ  ਬੌਡੀ"  ਦਾ  ਜਿਕਰ ਹੇਠ ਲਿਖੇ ਅਨੁਸਾਰ ਹੈ :
 A1     ਚੇਅਰਮੈਨ             1 (ਮੌਜੂਦਾ ਸਰਪੰਚ )
A2    ਉੱਪ-ਚੇਅਰਮੈਨ        1 (ਸਾਬਕਾ ਸਰਪੰਚ ਜਾਂ ਪਿੰਡ ਦਾ ਪ੍ਰਭਾਵਸ਼ਾਲੀ ਵਿਅਕਤੀ)
A3    ਪ੍ਰੈਜੀਡੈਂਟ                     1 (ਇੱਕ)
A4    ਵਾਇਸ-ਪ੍ਰੈਜੀਡੈਂਟ           1 (ਇਕ) NRI
B1    ਜਨਰਲ ਸੈਕਟਰੀ          1 (ਇੱਕ)
B2     ਜੁਆਇੰਟ ਸੈਕਟਰੀ        1 (ਇੱਕ)
B3    ਪ੍ਰੇੱਸ ਸੈਕਟਰੀ              1 (ਇੱਕ)
B4    ਮੁੱਖ ਕੈਸ਼ੀਅਰ              1 (ਇੱਕ)
B5    ਪ੍ਰੋਜੈਕਟ ਮੈਨੇਜਰ          1 (ਇੱਕ)
B6    ਪ੍ਰਜੈਕਟ ਸੈਕਟਰੀ          1 (ਇੱਕ) 
B7    ਕਾਨੂਨੀ ਮੈਨੇਜਰ           1 (ਇੱਕ) 
C1    ਮੁਖੀ ਵਾਰਡ ਨੰ. 1    -    1 (ਇੱਕ)
C2    ਮੁਖੀ ਵਾਰਡ ਨੰ. 2   -    1 (ਇੱਕ) 
C3    ਮੁਖੀ ਵਾਰ੍ਡ ਨੰ. 3    -    1 (ਇੱਕ)
C4    ਮੁਖੀ ਵਾਰਡ ਨੰ. 4    -    1 (ਇੱਕ)
C5    ਮੁਖੀ ਵਾਰਡ ਨੰ. 5    -    1 (ਇੱਕ)
C6    ਮੁਖੀ ਵਾਰ੍ਡ ਨੰ. 6    -    1 (ਇੱਕ)
C7    ਮੁਖੀ ਵਾਰ੍ਡ ਨੰ. 7    -    1 (ਇੱਕ)
C8    ਮੁਖੀ ਵਾਰ੍ਡ ਨੰ. 8    -    1 (ਇੱਕ)
C9    ਮੁਖੀ ਵਾਰ੍ਡ ਨੰ. 9     -    1 (ਇੱਕ)   
D1    ਮੁੱਖ ਸੁਲਾਹਕਾਰ-1    -    5 (ਸਾਰੇ ਨੰਬਰਦਾਰ)
D2    ਮੁੱਖ  ਸੁਲਾਹਕਾਰ-2    -   5 (ਸਰਕਾਰੀ ਵਿਭਾਗਾਂ ਦੇ ਮੁਲਾਜਮ)
              

4)- ਜਨਰਲ ਬੌਡੀ :
          ਇਸ ਵਰਗ ਵਿੱਚ ਸੁਸਾਇਟੀ/ਕਮੇਟੀ  ਦੇ ਉਹ ਸਾਰੇ ਮੈਂਬਰ ਸਾਮਿਲ ਹਨ ਜਿਨ੍ਹਾਂ ਦਾ ਨਾਮ ਅਤੇ ਅਹੁਧਾ ਚੋਣ ਤੋਂ ਬਾਅਦ  ਅਤੇ ਸਾਲਾਨਾ ਰਿਪੋਰਟ ਪੈਸ਼ ਕਰਨ ਤੋਂ ਪਹਿਲਾ ਮੈਂਬਰਸ਼ਿਪ ਲਿਸਟ ਵਿੱਚ ਦਰਜ ਹੈ | ਮੈਂਬਰਸ਼ਿਪ ਵਿੱਚ ਵੱਧ ਤੋਂ ਵੱਧ ਨੌਜਵਾਨਾ ਦੀ ਸਮੂਲੀਅਤ ਕੀਤੀ ਜਾਵੇ ਜੋ ਪਿੰਡ ਪ੍ਰਤੀ ਨਿਸ਼ਠਾ, ਸ਼ਰਧਾ, ਨੇਕ ਵਿਚਾਰ, ਸਾਰਥਿਕ ਸੋਚ ਰੱਖਣ ਵਾਲੇ ਹੋਣ | ਨਾਕਾਰਾਤਮਕ ਸੋਚ ਤੋਂ ਕਿਨਾਰਾ ਕੀਤਾ ਜਾਵੇ  |

5)- ਚੋਣ ਅਤੇ ਵੈਧਤਾ :
          ਇਸ ਸੁਸਾਇਟੀ/ਕਮੇਟੀ  ਦੀ ਨੀਂਹ/ਹੋਂਦ ਸਿਰਫ ਤਾਂ ਸਿਰਫ ਪਿੰਡ ਦੇ ਵਿਕਾਸ ਕਾਰਜਾਂ ਨੂੰ ਸਫਲ ਬਣਾਉਣ ਲਈ ਅਤੇ ਪਿੰਡ ਨੂੰ ਸਾਫ਼ ਸੁਥਰਾ ਹਰਿਆ ਭਰਿਆ ਸੋਹਣਾ ਬਣਾਉਣ ਲਈ ਰੱਖੀ ਗਈ ਹੈ | ਇਸ ਸਭਾ ਵਿੱਚ ਰਾਜਨੀਤੀ/ਕੂਟਨੀਤੀ ਲਈ ਕੋਈ ਜਗ੍ਹਾ ਨਹੀਂ ਹੈ | ਪਿੰਡ ਪ੍ਰਤੀ ਸਾਕਾਰਾਤਮਕ ਸੋਚ ਰੱਖਣ ਵਾਲਾ ਵਿਅਕਤੀ/ਔਰਤ ਕਿਸੇ ਵੀ ਜਾਤ ਰੰਗ ਨਸਲ ਕੌਮ ਧਰਮ ਤੋਂ ਉੱਪਰ ਉਠਕੇ ਆਪਣੇ ਹੁਨਰ/ਵਿਵੇਕ ਦੇ ਜਰੀਏ  ਅਤੇ ਪਿੰਡ ਪ੍ਰਤੀ ਆਪਣੇ ਫਰਜਾਂ ਨੂੰ ਇਮਾਨਦਾਰੀ ਨਾਲ ਨਿਭਾਉਣ ਵਾਲਾ ਜਾਂ ਪਿੰਡ ਵਿੱਚ ਕੁੱਝ ਅੱਛਾ ਕਰਨ ਦੀ ਲਾਲਸਾ ਰੱਖਣ ਵਾਲਾ ਨਾਗਰਿਕ ਇਸ ਦਾ ਮੈਂਬਰ ਬਣ ਸਕਦਾ ਹੈ | ਜਿਸ ਦੀ ਮਿਆਂਦ ਤਿਨ ਸਾਲ (ਸ਼ੁਰੁਆਤੀ) ਦੀ ਹੋਵੇਗੀ,  ਮਿਆਂਦ ਪੂਰੀ ਹੋਣ ਤੋਂ ਬਾਅਦ ਸਹਾਇਕ ਮੈਂਬਰ ਨੂੰ ਉਸ ਦੀ ਇਛਾ ਅਨੁਸਾਰ ਅੱਪ-ਗ੍ਰੇਡ ਕੀਤਾ ਜਾਵੇਗਾ ਤਾਂ ਜੋ ਉਸ ਦੇ ਪਿਛਲੇ ਤਜੁਰਬੇ ਦਾ ਪਿੰਡ ਨੂੰ ਫਾਇਦਾ ਹੋ ਸਕੇ | ਉਪਰੰਤ ਵੈਧਤਾ ਸੁਸਾਇਟੀ/ਕਮੇਟੀ ਦੇ ਪਾਸ ਮਤੇ ਅਨੁਸਾਰ ਸਥਿਰ ਕੀਤੀ ਜਾਵੇਗੀ |

6)- ਮੈਂਬਰਸ਼ਿਪ ਦਾ ਖਾਰਜ਼ ਹੋਣਾ :
          ਗਵਰਨਿੰਗ ਬੌਡੀ, ਆਪਣੇ 75% ਮੈਂਬਰਾਂ ਦੀ ਸੰਯੁਕਤ ਰਾਏ ਅਨੁਸਾਰ ਕਿਸੇ ਵੀ ਮੈਂਬਰ ਨੂੰ ਜੋੜਨ ਜਾਂ ਖਾਰਜ ਕਰਨ ਦਾ ਅਧਿਕਾਰ ਰੱਖਦੀ ਹੈ, ਇਸ ਤੋਂ ਇਲਾਵਾ  ਉਹ ਕਿਸੇ ਮੈਂਬਰ ਨੂੰ ਨਿਮਨ ਸ਼ਰਤਾਂ ਅਨੁਸਾਰ ਵੀ ਮੁਲਤਵੀ ਕਰ ਸਕਦੀ ਹੈ:
    1)- ਅਗਰ ਜਨਰਲ ਬੌਡੀ ਮੀਟਿੰਗ ਵਿੱਚ ਕਿਸੇ ਮੈਂਬਰ ‘ਤੇ  2/3 ਬਹੁਮਤ ਨਾਲ  ਅ-ਵਿਸ਼ਵਾਸ  ਦਾ ਮਤਾ ਪਾਸ ਕੀਤਾ ਜਾਂਦਾ ਹੈ |
    2)- ਪ੍ਰੈਜੀਡੈਂਟ ਨੂੰ ਸੰਬੋਧਨ ਕਰਕੇ ਆਪਣੀ ਮਰਜ਼ੀ ਨਾਲ ਲਿਖੇ ਹੋਏ ਅਸਤੀਫੇ  ਦੀ  ਇਕ ਮਹੀਨਾ ਅਗਾਉਂ ਸੂਚਨਾ  ਅਨੁਸਾਰ |  
    3)- ਅਚਾਨਕ ਮੌਤ ਹੋਣ ਨਾਲ |
    4)- ਕਿਸੀ ਅਨੁਸ਼ਾਸਨਹੀਣਤਾ/ਅਣ-ਉਚਿਤ ਵਰਤਾਉ/ਅਸੱਭਿਅਤਾ  ਪ੍ਰਤੀ  ਪੂਰਨ-ਦੋਸ਼ੀ ਪਾਇਆ ਜਾਣ ‘ਤੇ |

7)- ਅਪੀਲ :
          ਮੁਲਤਵੀ ਮੈਂਬਰ ਆਪਣੀ ਅਪੀਲ, ਆਪਣਾ ਪੱਖ ਗਵਰਨਿੰਗ ਬੌਡੀ ਸਾਹਮਣੇ ਵਿਚਾਰ ਲਈ ਭੇਜ ਸਕਦਾ ਹੈ | ਗਵਰਨਿੰਗ ਬੌਡੀ ਵਿਚਾਰ ਕਰਨ ਉਪਰੰਤ ਜਨਰਲ ਬੌਡੀ ਵਿੱਚ ਸੁਝਾਉ ਰੱਖੇਗੀ ਅਤੇ ਸੰਯੁਕਤ ਵਿਚਾਰ ਉਪਰੰਤ ਮੈਂਬਰ ਨੂੰ ਲਿਖਤੀ ਰੂਪ ਵਿੱਚ  ਸੂਚਨਾ ਭੇਜੀ ਜਾ ਸਕਦੀ ਹੈ |

8)- ਬਹਾਲ ਕਰਨਾ : (Readmission)
          ਮੁਲਤਵੀ ਮੈਂਬਰ ਅਗਰ ਅਪੀਲ ਦੌਰਾਨ ਜਾਂ ਇਨਕੁਆਰੀ ਦੌਰਾਨ ਸਹੀ ਤੇ ਯੋਗ ਪਾਇਆ ਜਾਂਦਾ ਹੈ ਤਾ ਉਸ ਦੀਆਂ ਸੇਵਾਂਵਾ ਦੁਬਾਰਾ ਸ਼ੁਰੂ ਕੀਤੀਆਂ ਜਾ ਸਕਦੀਆ ਹਨ |

9)- ਸਲਾਨਾ/ਮਾਮੂਲੀ-ਵਾਧੂ/ਜਨਰਲ ਮੀਟਿੰਗ :
          ਸੁਸਾਇਟੀ/ਕਮੇਟੀ  ਦੀ ਗਵਰਨਿੰਗ ਬੌਡੀ ਮੀਟਿੰਗ ਲੋੜ ਪੈਣ ਤੇ ਬੁਲਾਈ ਜਾ ਸਕਦੀ ਹੈ, ਘੱਟ ਤੋਂ ਘੱਟ ਮਹੀਨੇ ਵਿੱਚ ਇਕ ਵਾਰ ਜਰੂਰ ਬੁਲਾਉਣੀ ਚਾਹੀਦੀ ਹੈ | (ਹਰੇਕ ਮਹੀਨੇ ਦਾ ਦੂਸਰਾ ਐਤਵਾਰ ਢੁਕਵਾਂ ਸਮਾਂ ਹੈ )
          ਸੁਸਾਇਟੀ/ਕਮੇਟੀ ਦੀ ਜਨਰਲ ਮੀਟਿੰਗ ਸਾਲ ਵਿੱਚ ਇਕ ਵਾਰ ਬੁਲਾਈ ਜਾਣੀ ਯਕੀਨੀ ਬਣਾਈ ਜਾਵੇ, ਜਿਸ ਨੂੰ ਸਲਾਨਾ ਬੈਠਕ ਵੀ ਕਿਹਾ ਜਾ ਸਕਦਾ ਹੈ | ਇਸ ਦੇ ਸਮੇਂ  ਅਤੇ ਸਥਾਨ ਦੀ ਗਵਰਨਿੰਗ ਬੌਡੀ ਦਵਾਰਾ ਪ੍ਰੈਜੀਡੈਂਟ/ਸੈਕਟਰੀ ਰਾਹੀਂ ਸੂਚਨਾ ਦਿੱਤੀ ਜਾਵੇਗੀ ਇਸ ਮੀਟਿੰਗ ਵਿੱਚ ਅੱਗੇ ਲਿਖੇ ਜਰੂਰੀ ਕੰਮਾਂ/ਜਿਮ੍ਹੇਵਾਰੀਆਂ ਦਾ ਵਿਸ਼ਲੇਸ਼ਣ ਕੀਤਾ ਜਾਵੇਗਾ :
1)- ਸੁਸਾਇਟੀ/ਸਭਾ/ਕਮੇਟੀ ਵੱਲੋਂ ਸਾਲ ਦੌਰਾਨ ਕੀਤੇ ਗਏ ਕੰਮਾਂ ਦੀ ਰਿਪੋਰਟ, ਚਾਲੂ ਕੰਮਾਂ ਦੀ ਵਰਤਮਾਨ ਸਥਿਤੀ ਦਾ ਵੇਰਵਾ,      ਸਲਾਨਾ ਅਕਾਉੰਟ ਅਤੇ ਖਰਚ ਕੀਤੀ ਰਕਮ ਦਾ ਲੇਖਾ-ਜੋਖਾ ਕੀਤਾ ਜਾਵੇਗਾ |
2)- ਆਡਿਟ ਕਰਨ ਲਈ ਸਰਕਾਰੀ ਚਾਰਟਰ ਅਕਾਉੰਟੈਂਟ (ਲੋੜ ਅਨੁਸਾਰ) ਨਿਯੁਕਤ ਕੀਤਾ ਜਾਵੇਗਾ, ਉਸ ਦੀ ਵਗਾਰ/ਮਿਹਨਤਾਨਾ/ਭੇਟਾ ਨਿਯਤ ਕੀਤੀ ਜਾਵੇ |
3)- ਸੁਸਾਇਟੀ/ਸਭਾ/ਕਮੇਟੀ  ਦੇ ਕੰਮਾਂ ਨੂੰ ਬੇਹਤਰ ਤਰੀਕੇ ਨਾਲ ਚਲਾਉਣ ਲਈ ਜਾ ਕਿਸੀ ਕਾਰਨ ਖਾਲੀ ਹੋਏ ਰਿਕਤ ਸਥਾਨ ਦੀ ਪੂਰਤੀ ਲਈ ਗਵਰਨਿੰਗ ਬੌਡੀ ਵਿੱਚ ਮੈਂਬਰ ਦੀ ਭਰਤੀ ਕੀਤੀ ਜਾਵੇਗੀ |
4)- ਅਗਲੇ ਵਿੱਤੀ ਸਾਲ ਦੀ ਆਮਦਨ ਅਤੇ ਖਰਚ ਦੀ ਰੂਪ ਰੇਖਾ ਤਿਆਰ ਕੀਤੀ ਜਾਵੇਗੀ |
5)- ਹੋਰ ਕਿਸੀ ਗੰਭੀਰ ਮਸਲੇ ਤੇ ਵਿਚਾਰ ਕੀਤੀ ਜਾ ਸਕਦੀ ਹੈ, ਨਾਜੁਕ ਮਸਲਿਆਂ ਨੂੰ ਪਹਿਲ ਦੇ ਅਧਾਰ ਤੇ ਹੱਲ ਕਰਨਾ ਚਾਹਿਦਾ ਹੈ | ਸ਼ਾਂਤੀ, ਨਿਮਰਤਾ, ਪਿਆਰ ਅਤੇ ਸੂਝ ਬੂਝ ਅਖਤਿਆਰ ਕਰਨੀ ਚਾਹੀਦੀ ਹੈ |


10)- ਬੈੰਕ ਅਕਾਉੰਟ :
            a)- ਸੁਸਾਇਟੀ/ਸਭਾ/ਕਮੇਟੀ  ਦਾ ਸਾਰਾ ਫੰਡ ਬੈੰਕ ਅਕਾਉੰਟ ਰਾਹੀਂ ਸਾਂਭਿਆ ਜਾਵੇਗਾ, ਜਿਸ ਨੂੰ ਅਕਾਉੰਟ ਡਿਪਾਰਟਮੈਂਟ ਓਪਰੇਟ ਕਰੇਗਾ ਜਿਸ ਦਾ ਰਿਕਾਰਡ (ਕੈਸ਼ ਬੁੱਕ/ਅਕਾਉੰਟ ਬੁੱਕ/ਲੇਜਰ) ਆਦਿ ਹੋਣਾ ਬਹੁਤ ਜਰੂਰੀ ਹੈ |
          b)- ਰਕਮ ਦੀ ਨਿਕਾਸੀ ਸੱਤਾਂ ਵਿਚੋਂ ਕਿਸੀ ਪੰਜ ਮੈਂਬਰਾਂ ਦੇ ਰਜਿਸਟਰਿਡ ਦਸਤਖਤਾਂ ਹੇਠ ਹੋਣੀ ਚਾਹੀਦੀ ਹੈ | ਅਦਾਇਗੀ ਚੈਕ ਰਾਹੀ ਹੋਵੇਗੀ ਜਿਸ ਤੇ ਪੰਜਾ ਵਿਚੋਂ ਤਿਨ ਮੈਂਬਰਾਂ ਦੇ ਪੂਰੇ/ਛੋਟੇ  ਦਸਤਖਤ ਹੋਣਗੇ, ਜੋ ਬਾਕੀ ਮੈਂਬਰਾਂ ਦੇ ਧਿਆਨ ਹਿੱਤ ਹੋਵੇਗਾ | ਬੈੰਕ ਅਕਾਉੰਟ ਪਾਲਿਸੀ ਹੇਠ ਲਿਖੇ ਅਨੁਸਾਰ ਹੋਵੇਗੀ  :-
                1)- ਤਿੰਨਾ ਵਿਚੋਂ ਦੋ :  ਪ੍ਰੈਜੀਡੈਂਟ, ਉੱਪ-ਪ੍ਰੈਜੀਡੈਂਟ (A ਜਾਂ B), ਜਨਰਲ ਸੈਕਟਰੀ |
                2)- ਪੰਜਾਂ ਵਿਚੋਂ ਤਿੰਨ :  ਮੁੱਖ ਕੈਸ਼ੀਅਰ, ਅਕਾਉਟੈਂਟ, ਪ੍ਰੋਜੈਕਟ ਮੈਨੇਜਰ, ਲੀਗਲ ਮੈਨੇਜਰ, ਲੀਗਲ ਸੈਕਟਰੀ |
ਇਸ ਤੋਂ ਇਲਾਵਾ ਗਵਰਨਿੰਗ ਬੌਡੀ, ਪ੍ਰੈਜੀਡੈਂਟ ਦੀ ਪਰਵਾਨਗੀ ਨਾਲ ਕਿਸੇ ਹੋਰ ਯੋਗ ਵਿਸ਼ਵਾਸ਼ਨਿਯ ਮੈਂਬਰ ਨੂੰ (1 ਅਤੇ 2) ਨਾਲ/ਦੀ ਥਾਂ ‘ਤੇ ਜੋੜ/ਨਿਯੁਕਤ ਕਰ ਸਕਦੀ ਹੈ (ਜਾਂ)
                  3)- ਬੈੰਕ ਦੀਆਂ ਹਦਾਇਤਾ ਅਨੁਸਾਰ ਗਿਣਤੀ ਨਿਯਤ ਕੀਤੀ ਜਾ ਸਕਦੀ ਹੈ |


11)- ਆਮਦਨ ਦਾ ਸਾਧਨ :
          1)- ਦਾਨ ਦੀ ਰਕਮ, ਚੰਦਾ ਅਤੇ ਉਗਰਾਹੀ
          2)- ਗਰਾਂਟ ਅਤੇ ਵਿਸ਼ੇਸ਼ ਯੋਗਦਾਨ
          3)- ਵਿਸ਼ੇਸ਼ ਉਪਰਾਲਿਆਂ ਨਾਲ ਇੱਕਤਰ ਭੇਟਾ/ਮਾਇਆ
ਦੇਸ਼ ਵਿਦੇਸ਼ ਤੋਂ ਇੱਕਤਰ ਹੋਈ ਰਕਮ ਦਾ ਇਸਤੇਮਾਲ ਸਿਰਫ ਤਾਂ ਸਿਰਫ ਪਿੰਡ ਦੇ ਵਿਕਾਸ ਕਾਰਜਾਂ ਲਈ ਹੀ ਕੀਤਾ  ਜਾਣਾ ਚਾਹਿਦਾ ਹੈ, ਜਿਸਦਾ ਫਾਇਦਾ ਸਰਵ-ਵਿਆਪੀ ਹੋਵੇਗਾ |  ਇਹ ਰਕਮ ਕਿਸੀ ਵਰਗ, ਸਮੂਹ ਜਾਂ ਵਿਅਕਤੀ ਵਿਸ਼ੇਸ਼ ਦੇ ਨਿੱਜੀ ਹਿੱਤਾਂ ਲਈ ਪ੍ਰਯੋਗ ਨਹੀਂ ਕੀਤੀ ਜਾਵੇਗੀ |


12)- ਫੰਡਾਂ ਦੀ ਸਾਂਭ-ਸੰਭਾਲ :
            ਸਾਰੇ ਫੰਡਾਂ ਦਾ ਰਿਕਾਰਡ ਰਖਿਆ ਜਾਵੇਗਾ ਜਿਸ ਦਾ  ਰਿਕਾਰਡ  ਬੁੱਕ (ਅਕਾਉੰਟ ਬੁੱਕ/ਕੈਸ਼ਬੁੱਕ/ਲੇਜਰ ਆਦਿ) ਵਿੱਚ ਜਿਕਰ ਹੋਣਾ ਜਰੂਰੀ ਹੈ | ਰਸੀਦ ਬੁੱਕ ਲਾਗੂ ਕੀਤੀ ਜਾਵੇਗੀ | ਖਰਚ ਦੀ ਰਕਮ ਚੈਕ ਰਾਹੀ ਅਦਾ ਕੀਤੀ ਜਾਏਗੀ | ਆਮਦਨ/ਖਰਚ ਦਾ ਵੇਰਵਾ ਆਨ-ਲਾਇਨ ਕੀਤਾ ਜਾਵੇਗਾ | ਸੁਸਾਇਟੀ ਜਾਂ ਕਮੇਟੀ  ਪਿੰਡ ਦੀ ਜਨਤਾ ਪ੍ਰਤੀ ਜੁਆਬਦੇਹ ਹੈ |

13)- ਗਵਰਨਿੰਗ ਬੌਡੀ ਦੇ ਅਹਿਮ ਕਾਰਜ :
          1)- ਪਿੰਡ ਦੇ ਵਿਕਾਸ ਕਾਰਜਾਂ ਦੀ ਪ੍ਲੇਨਿੰਗ  ਕਰਨਾ |
          2)- ਵਿਕਾਸ ਕਾਰਜਾਂ ਦੀ ਪੂਰਤੀ ਲਈ ਨਿਯਮਾਂ ਅਤੇ ਸ਼ਰਤਾਂ/ਹਦਾਇਤਾ ਨੂੰ ਲਾਗੂ ਕਰਨਾ |
          3)- ਮੈਂਬਰਾਂ ਨੂੰ ਹਟਾਉਣਾ ਜਾਂ ਭਰਤੀ ਕਰਨਾ |
          4)- ਕੰਮ ਦੀ ਦੇਖ ਭਾਲ ਲਈ ਨਿਗਰਾਨ/ਸੁਪਰਵਾਈਜਰ ਨਿਯੁਕਤ ਕਰਨਾ |
          5)- ਸਰਕਾਰੀ ਗੈਰ ਸਰਕਾਰੀ ਸੰਸਥਾਵਾਂ/ਅਦਾਰਿਆਂ ਨਾਲ ਵਿਕਾਸ ਕਾਰਜਾਂ ਸਬੰਧੀ ਰਾਬਤਾ ਕਾਇਮ ਕਰਨਾ |
          6)- ਸੁਸਾਇਟੀ/ਕਮੇਟੀ  ਦੇ ਪ੍ਰਬੰਧਕੀ ਢਾਂਚੇ ਨੂੰ ਨਿਯਮਤ ਕਰਨਾ | ਕੰਮ ਦੀ ਚਾਲ ਬਣਾਉਣਾ |
          7)- ਗਵਰਨਿੰਗ ਬੌਡੀ 2,00,000/- ਰੁਪੇ. (ਦੋ ਲੱਖ ਰੂਪਏ) ਤੋਂ ਵੱਧ ਤੱਕ ਦੀ ਰਾਸ਼ੀ ਦੇ ਲੈਣ-ਦੇਣ ਦੇ ਸਮਰਥ ਹੈ |
          ਆਦਾਨ-ਪ੍ਰਦਾਨ ਲਈ ਗਵਰਨਿੰਗ ਬੌਡੀ ਹਰੇਕ ਤਿਮਾਹੀ ਦੂਸਰੇ ਐਤਵਾਰ ਸਪੈਸ਼ਲ ਬੈਠਕ ਵੀ ਬੁਲਾ ਸਕਦੀ ਹੈ |

14)- ਮੈਂਬਰਾਂ ਦੀ ਰਜਿਸਟ੍ਰੇਸ਼ਨ
ਸੁਸਾਇਟੀ ਦਾ ਇਕ ਰਜਿਸਟਰ ਹੋਵੇਗਾ ਜਿਸ ਵਿੱਚ ਮੈਂਬਰਾਂ ਦਾ ਬਾਇਓ-ਡਾਟਾ ਅੰਕਿਤ ਕੀਤਾ ਜਾਵੇਗਾ |
1)- ਮੈਂਬਰ ਦਾ ਨਾਮ, ਪਿਤਾ ਦਾ ਨਾਮ, ਪਤਾ , ਕਿੱਤਾ , ਜਨਮ ਮਿਤੀ , ਵਿਦਿਅਕ ਯੋਗਤਾ |
2)- ਸੁਸਾਇਟੀ/ਸਭਾ ਵਿੱਚ ਸਾਮਲ ਹੋਣ ਜਾਂ ਛੱਡਣ ਦੀ ਮਿਤੀ| ਸੰਪਰਕ ਨੰਬਰ |
3)- ਸਮੇਂ ਸਮੇ ਅਨੁਸਾਰ ਕੋਈ ਹੋਰ ਸੂਚਨਾ ਜੋ ਜਰੂਰੀ ਹੋਵੇ , ਸ਼ਾਮਲ ਕੀਤੇ ਜਾਣ

15)- ਮੈਂਬਰਾਂ ਦੇ ਕੰਮ, ਜਿਮ੍ਹੇਵਾਰੀਆਂ ਅਤੇ ਅਧਿਕਾਰ :
          ਸੁਸਾਇਟੀ/ਸਭਾ ਦੇ ਸਾਰੇ ਮੈਂਬਰ ਪਿੰਡ ਦੇ ਸੇਵਾਦਾਰ ਹਨ ਜੋ ਇਕ ਸੇਵਕ ਬਣਕੇ ਪਿੰਡ ਪ੍ਰਤੀ ਆਪਣੀਆਂ ਜਿਮ੍ਹੇਵਾਰੀਆਂ ਨੂੰ ਨਿਭਾਉਣਗੇ | ਫਿਰ ਵੀ ਹਰੇਕ ਗਵਰਨਿੰਗ ਬੌਡੀ ਮੈਂਬਰ ਦੇ ਹੇਠ ਲਿਖੇ ਅਹਿਮ ਕੰਮ ਅਤੇ  ਅਧਿਕਾਰ ਹਨ :
                   1)- ਜਨਰਲ ਮੀਟਿੰਗ ਵਿੱਚ ਇਕ ਗਵਰਨਿੰਗ ਬੌਡੀ ਮੈਂਬਰ ਦੀ ਇਕ ਵੀਟੋ ਮੰਨੀ ਜਾਵੇਗੀ |
                    2)- ਜਨਰਲ ਮੀਟਿੰਗ ਦੀ ਨਿਯਤ ਮਿਤੀ ਸਮਾਂ  ਸਥਾਨ ‘ਤੇ ਸਮੇਂ ਤੋਂ ਪਹਿਲਾਂ ਹਾਜਰ  ਹੋਣਾ |
                   3)- ਅਕਾਉੰਟ ਬੁੱਕ ਦਾ ਨਰੀਖਣ ਕਰ ਸਕਦਾ ਹੈ, ਚੱਲ ਰਹੇ ਕੰਮਾਂ ਦਾ ਜਾਇਜਾ ਲੈ ਸਕਦਾ ਹੈ |
                   4)- ਜਨਰਲ ਮੀਟਿੰਗ ਵਿੱਚ ਤਰਕ ਭਰਪੂਰ ਸਾਕਾਰਾਤਮਕ ਵਿਚਾਰ ਰੱਖ ਸਕਦਾ ਹੈ |
                    5)- ਨਿਯਮਾਂ ਨੂੰ ਲਾਗੂ ਕਰਨ ਲਈ ਯੋਗਦਾਨ ਪਾ ਸਕਦਾ ਹੈ ਅਤੇ ਸਮੇ ਸਮੇ ਤੇ ਹੋਈ ਸੋਧ ਲਈ ਜਾਗ੍ਰਿਤ ਹੋਣਾ
                   6)- ਦਫਤਰੀ ਕੰਮਾਂ ਦੀ ਗੁਪਤਤਾ ਰਖੇਗਾ ਅਤੇ ਪਿੰਡ ਦੇਸ਼ ਪ੍ਰਤੀ ਸਹਾਨੁਭੂਤਿ ਦਿਖੇਗਾ ਤੇ ਵਫ਼ਾਦਾਰ ਰਹੇਗਾ

                    1)- ਪ੍ਰੈਜੀਡੈਂਟ/ਉੱਪ-ਪ੍ਰੈਜੀਡੈਂਟ: (Executive Committee)
a)- ਸੁਸਾਇਟੀ/ਸਭਾ ਦੇ ਕੰਮਾਂ/ਯੋਜਨਾਵਾਂ  ਦੀ ਇਕ ਪ੍ਰਤੀਨਿਧੀ ਦੇ ਤੌਰ ਤੇ ਅਗਵਾਈ ਕਰਨਾ ਅਤੇ ਮੈਂਬਰਾਂ ਦਾ      ਮਾਰਗ ਦਰਸ਼ਨ ਕਰਨਾ | ਪਿੰਡ ਨੂੰ ਸਵੱਸ ਬਣਾਉਣ ਲਈ ਚੋਗਿਰਦੇ ਤੋਂ ਜਾਣਕਾਰੀ ਇੱਕਤਰ ਕਰਨਾ |
                   b)- ਗਵਰਨਿੰਗ/ਜਨਰਲ ਬੌਡੀ ਮੀਟਿੰਗਾਂ ਦੀ ਪਰਧਾਨਗੀ ਕਰਨਾ | ਟਾਈ ਵੀਟੋ ਅਧਿਕਾਰ ਵਰਤਣਾ |
                   c)- ਗਵਰਨਿੰਗ ਬੌਡੀ ਵਿੱਚ ਪਾਸ ਮਤੇ/ਕੰਮਾਂ ਦੀ ਪੂਰਤੀ ਲਈ ਉਪਰਾਲੇ/ਨਿਗਰਾਨੀ ਕਰਨਾ |
d)- ਸੁਸਾਇਟੀ ਦੇ ਕੰਮਾਂ ਦੀ ਪੜ੍ਹਚੋਲ ਕਰਨਾ ਅਤੇ ਮੈਂਬਰਾਂ ਦੀਆਂ ਸਰਗਰਮੀਆਂ ਦਾ ਧਿਆਨ ਰਖਣਾ |
e)- ਪ੍ਰੈਜੀਡੈਂਟ/ਉੱਪ-ਪ੍ਰੈਜੀਡੈਂਟ ਰੁਪੇ 2,00,000/- ਤੱਕ ਮਨਜੂਰੀ ਦੇਣ ਦੇ ਸਮਰਥ ਅਧਿਕਾਰੀ ਹੈ |
f)- ਕਿਸੇ ਮੈਂਬਰ ਦੀ ਮੈਂਬਰਸ਼ਿਪ ਇਸ ਦੀ ਪਰਵਾਨਗੀ ਤੋਂ ਬਿਨਾ ਦਰਜ ਨਹੀਂ ਕੀਤੀ ਜਾਵੇਗੀ ਜਦ ਤੱਕ ਕਿ ਮੈਂਬਰ ਪਿੰਡ ਪ੍ਰਤੀ ਵਫਾਦਾਰੀ ਅਤੇ ਭਰੋਸੇ ਦਾ ਵਿਸ਼ਵਾਸ਼ ਨਹੀਂ ਦਵਾਉਂਦਾ |
g)- ਮੈਂਬਰ ਨੂੰ ਖਾਰਜ ਕਰਨ ਅਤੇ ਬਹਾਲ ਕਰਨ ਦੀ ਪਰਵਾਨਗੀ ਦੇਣਾ |

                    2)- ਜਨਰਲ ਸੈਕਟਰੀ : (Executive Committee)
                   1)- ਸੁਸਾਇਟੀ ਦੇ ਜਨਰਲ ਸੈਕਟਰੀ ਦੀਆਂ  ਨਿਮਨ ਲਿਖਿਤ ਜਿਮ੍ਹੇਵਾਰੀਆਂ ਹਨ :
a)- ਸੁਸਾਇਟੀ ਦੀਆਂ  ਮੀਟਿੰਗਾਂ ਵਿੱਚ ਸਾਮਲ ਹੋਣਾ ਅਤੇ  ਕਾਰਵਾਈ/ਅਗਵਾਈ   ਕਰਨਾ/ਸੰਭਾਲਣਾ, “ਮਿੰਟ੍ਸ ਆਫ ਮੀਟਿੰਗ” ਤਿਆਰ ਕਰਨਾ ਤੇ ਰਿਕਾਰਡ ਰੱਖਣਾ | ਇਹ ਯਕੀਨੀ ਬਣਾਉਣਾ ਕਿ ਸੁਸਾਇਟੀ ਦੇ ਸਾਰੇ ਰਜਿਸਟਰ, ਦਸਤਾਵੇਜ, ਪੈਪਰ ਅਤੇ ਜਰੂਰੀ ਸਮਾਨ   ਸੁਰਖਿਅਤ ਅਤੇ ਸਹੀ ਠਿਕਾਣੇ ‘ਤੇ ਹੈ |
b)- ਸਰਕਾਰੀ ਦਸਤਾਵੇਜ, ਪਰਵਾਨਗੀਆਂ, ਪੱਤਰ-ਵਿਹਾਰ ਅਤੇ ਬਾਕੀ ਮੈਂਬਰਾਂ ਦਾ ਵਿਉਰਾ ਸੰਭਾਲਣਾ |
c)- ਹਾਜਰ ਮੈਂਬਰਾਂ ਦੀ ਹਾਜਰੀ ਤੇ ਵਿਚਾਰ ਨੋਟ ਕਰਨਾ | ਪਾਸ ਮਤੇ ਅਨੁਸਾਰ ਪ੍ਰੈਜੀਡੈਂਟ ਦੀ ਅਨੁਮਤੀ ਨਾਲ ਅਮਲ ਕਰਵਾਉਣਾ |
d)- ਮੀਟਿੰਗਾ ਵਿੱਚ ਪਾਸ ਮਤੇ ਬਾਰੇ ਜਨਰਲ ਮੈਂਬਰਾਂ ਨੂੰ ਨਿਯਮ ਅਨੁਸਾਰ ਸੂਚਿਤ ਕਰਨਾ
e)- ਸੁਸਾਇਟੀ ਦੇ ਸੰਪੂਰਨ ਹੋਏ ਕੰਮਾਂ/ ਮਤੇ/ ਬਿੱਲਾਂ/ ਦਸਤਾਵੇਜ/ ਜਮਾਂ ਖਾਤੇ/ਸੰਧੀਆਂ/ ਸੋਧਾਂ ਆਦਿ ‘ਤੇ ਪ੍ਰੈਜੀਡੈਂਟ/ਉੱਪ-ਪ੍ਰੈਜੀਡੈਂਟ ਨਾਲ ਦਸਤਖਤ ਕਰਨੇ |
f)- ਪਿੰਡ  ਦੇ ਵਿਕਾਸ ਕਾਰਜਾਂ ਲਈ ਬਣਾਈਆਂ ਸਹਾਇਕ ਕਮੇਟੀਆਂ ਦੇ ਕੰਮਾਂ ਦਾ ਨਿਰੀਖਣ ਕਰਨਾ |
g)- ਬੋਰਡ ਅਤੇ ਕਾਨੂਨੀ ਨਿਯਮਾਂ ਪ੍ਰਤੀ ਨਿਯਮਤ ਜਿਮ੍ਹੇਵਾਰੀਆਂ ਨਿਭਾਉਣਾ |
h)- ਪ੍ਰਜੈਕਟ ਲਈ ਅਨੁਮਾਨਤ/ਲਾਗਤ ਦਾ ਸਹੀ ਹਿਸਾਬ ਰਖਣਾ ਅਤੇ ਸਬੰਧਿਤ ਰਿਕਾਰਡ ਵਿੱਚ ਦਰਜ ਕਰਨਾ
i)- ਦਫਤਰੀ ਰਿਕਾਰਡ ਦੀ ਸਾਂਭ-ਸੰਭਾਲ, ਫੰਡ/ਵਾਉਚਰ, ਰਸੀਦ ਬੁੱਕ, ਸਕਿਉਰਟੀ/ਕੰਟ੍ਰੋਲ/ਨਿਗਰਾਨੀ ਕਰਨਾ |
j)- ਹਰੇਕ ਮਹੀਨੇ ਪਾਸ੍ਬੁੱਕ, ਰਸੀਦ ਬੁੱਕ, ਬੈੰਕ ਵਿਆਜ, ਬਕਾਇਆ ਰਾਸ਼ੀ  ਆਦਿ ਦਾ ਮਿਲਾਣ ਕਰਨਾ
k)- ਗਵਰਨਿੰਗ ਬੌਡੀ ਦਵਾਰਾ ਸਮੇਂ-ਸਮੇਂ ‘ਤੇ ਸੋੰਪੇ ਅਧਿਕਾਰਤ ਕਾਰਜਾਂ ਦੀ ਜਿਮ੍ਹੇਵਾਰੀ ਨਿਭਾਉਣਾ |
l)- 50,000/- ਰੁਪੇ (ਪੰਜਾਹ ਹਜਾਰ ਰੂਪਏ) ਤੱਕ ਦੀ ਰਾਸ਼ੀ ਦੀ ਅਨੁਮਤੀ ਦੇਣ ਦੇ ਸਮਰਥ ਅਧਿਕਾਰੀ ਹੈ

2)- ਜ਼ੋਆਇੰਟ ਸੈਕਟਰੀ :
a)-  ਜਨਰਲ ਸੈਕਟਰੀ ਦੀ ਗੈਰ-ਮੌਜੂਦਗੀ ਵਿੱਚ ਉਸ ਦੀਆਂ ਤਮਾਮ ਜਿਮ੍ਹੇਵਾਰੀਆਂ ਨਿਭਾਉਣਾ |
b)- ਰਸੀਦ ਕੱਟ ਕੇ ਰਕਮ ਬੈੰਕ ਵਿੱਚ ਜਮਾਂ ਕਰਵਾਉਣਾ ਅਤੇ ਧਾਰਕ ਤੱਕ ਰਸੀਦ ਪਹੁਚਾਉਣਾ |
c)- ਜਨਰਲ ਮੀਟਿੰਗ ਦੀ  ਮੈਂਬਰਾਂ ਨੂੰ  ਲਿਖਤੀ/ਟੈਲੀਫੋਨੀ  ਸੂਚਨਾ ਦੇਣਾ ਅਤੇ ਕਾਰਵਾਈ ਨੋਟ ਕਰਨਾ  |

 3)- ਪ੍ਰੇੱਸ ਸੈਕਟਰੀ :
          ਪ੍ਰੇੱਸ ਸੈਕਟਰੀ ਸੂਚਨਾਵਾਂ  ਨੂੰ ਪਬਲਿਕ/ਮੀਡੀਏ ਤੱਕ ਸਹੀ ਤੇ ਠੀਕ ਰੂਪ ਵਿੱਚ ਗੁਪਤਤਾ ਦੀ ਸ਼ਪਥ ਅਤੇ ਨਿਯਮਾਂ ਵਿੱਚ ਰਹਿ ਕੇ ਦੇਣ ਦੇ ਸਮਰਥ ਹੋਵੇਗਾ, ਅਵੱਗਿਆ ਦਾ ਜਿਮ੍ਹੇਵਾਰ ਹੋਵੇਗਾ | ਪ੍ਰੈਜੀਡੈਂਟ, ਉੱਪ ਪ੍ਰੈਜੀਡੈਂਟ, ਜਨਰਲ ਸੈਕਟਰੀ ਅਤੇ ਉੱਪ ਸੈਕਟਰੀ ਦੇ ਕੰਮਾਂ ਵਿੱਚ ਸਹਿਯੋਗ ਕਰੇਗਾ | ਚੱਲ ਰਹੇ/ਸਮਾਪਤ ਹੋਏ  ਕੰਮਾਂ/ਪ੍ਰਜੈਕਟਾ ਦੀ ਮੀਡਿਆ ਰਿਕਾਰਡਿੰਗ ਸੰਭਾਲ ਕੇ ਰਖੇਗਾ | ਲੋਕਾਂ ਦੁਆਰਾ ਮੰਗੀ ਸੂਚਨਾ ਨੂੰ ਸਹੀ ਰੂਪ ਵਿੱਚ ਮੁੱਹਈਆ ਕਰਵਾਏਗਾ |

                    3)- ਕੈਸ਼ੀਅਰ/ਖਜਾਨਚੀ : (Account Department)
                   a)- ਫੰਡਾਂ/ਅਕਾਉੰਟ  ਨੂੰ ਉਪਰੇਟ ਕਰਨਾ | ਫੰਡ ਸਬੰਧੀ ਗਵਰਨਿੰਗ ਬੌਡੀ ਨੂੰ ਜਰੂਰੀ ਸੂਚਨਾਵਾਂ ਦੇਣੀਆਂ |
                   b)- ਕੈਸ਼ ਨਾਲ ਸਬੰਧਿਤ ਰਸੀਦਾਂ ਵਾਉਚਰ ਰਿਕਾਰਡ ਦਸਤਾਵੇਜ ਆਦਿ ਦੀ ਸਾਂਭ ਸੰਭਾਲ ਕਰਨਾ |
c)- ਸਮੇਂ ਸਮੇਂ ਪਰ ਗਤੀਵਿਧੀਆਂ ਦੀ ਸੂਚਨਾ ਦੇਣਾ | ਸਲਾਨਾ ਅਕਾਉੰਟ ਸਟੇਟਮੈਟ ਤਿਆਰ ਕਰਨਾ, ਬੈਲੰਸ  ਸ਼ੀਟ ਤਿਆਰ ਕਰਨਾ ਅਤੇ ਹੋਰ ਸਟੇਟਮੈਟ ਜਿਸ ਦੀ ਸੁਸਾਇਟੀ ਨੂੰ ਜਰੂਰਤ ਹੋਵੇ ਮੁਹੱਈਆ ਕਰਵਾਉਣੀ |
d)- ਸਾਰੇ ਚੈਕਾਂ, ਬਿੱਲ, ਨੋਟ੍ਸ ਅਤੇ ਹੋਰ ਜਰੂਰੀ ਦਸਤਾਵੇਜਾਂ ਤੇ ਹਸਤਾਖਰ ਕਰਨਾ ਤੇ ਸਹੀ ਪਾਉਣਾ |
e)- ਲੈਣ-ਦੇਣ ਦੀਆਂ ਸਾਰੀਆਂ ਰਸੀਦਾ ਪ੍ਰਾਪਤ ਕਰਨੀਆਂ ਤੇ ਗਵਰਨਿੰਗ ਬੌਡੀ ਨੂੰ ਬਕਾਇਆ ਜਾਂ ਦੇਹ ਰਕਮ ਦੀ ਸੂਚਨਾ ਦੇਣੀ |
f)- ਅਕਾਉੰਟ ਡਿਪਾਰਟਮਿੰਟ ਮੈਂਬਰਾਂ ਦੀ ਮਦਦ ਨਾਲ ਰਿਕਾਰਡ ਸਾਫ਼ ਸੁਥਰਾ ਤੇ ਵਧੀਆ ਰੱਖਣਾ |

                      4)- ਪ੍ਰੋਜੈਕਟ ਮੈਨੇਜਰ : (Project Team)
                   a)- ਪਾਸ ਮਤੇ/ਏਜੰਡੇ  ਤਹਿਤ ਨਿਸਚਿਤ ਪ੍ਰੋਜੈਕਟ ਦੀ ਰੂਪ ਰੇਖਾ/ਕਾਰਜ ਵਿਧੀ  ਤਿਆਰ ਕਰਨਾ |                  
                     b)- ਪ੍ਰੋਜੈਕਟ ਦੀ ਅਨੁਮਾਨਤ ਲਾਗਤ, ਬੱਜਟ ਦੇ ਹਿਸਾਬ ਨਾਲ ਕੰਮ ਦਾ ਟਾਇਮ ਟੇਬਲ ਤਿਆਰ ਕਰਨਾ |
                   c)- ਠੇਕੇਦਾਰ, ਵਰਕਰ, ਕੰਟਰੈਕਟਰ, ਆਰਚੀਟੈਕ, ਇੰਜੀਨੀਅਰ ਆਦਿ ਨਾਲ ਰਾਬਤਾ ਕਾਇਮ ਕਰਨਾ 
ਟੈਂਡਰ/ਕੁਟੈਸ਼ਨਾ ਲੈ ਕੇ ਗਵਰਨਿੰਗ ਕਮੇਟੀ ਦੀ ਰਾਇ ਨਾਲ ਪ੍ਰੋਜੈਕਟ ਨੂੰ ਆਰੰਭ ਕਰਨਾ | ਕੰਮ ਦਾ   ਸ਼ੁਰੁਆਤੀ ਅਤੇ ਸਮਾਪਤੀ ਬਿੰਬ ਤਿਆਰ ਕਰਨਾ ਤਾਂ ਜੋ ਨੀਯਤ ਸਮੇਂ ਅਨੁਸਾਰ ਪ੍ਰੋਜੈਕਟ ਪੂਰਾ ਕੀਤਾ ਜਾਵੇ
d)- ਪ੍ਰੋਜੈਕਟ ਮੈਨੇਜਰ ਨੂੰ ਕੰਮ ਦੇ ਸ਼ੁਰੂ ਵਿੱਚ ਹੀ ਡਰਾਇੰਗ ਧਿਆਨ ਵਿੱਚ ਰਖਣੀ ਚਾਹੀਦੀ ਹੈ | ਕੋਈ ਜਰੂਰੀ  ਪ੍ਰਵਾਨਗੀ ਪਹਿਲਾਂ ਹੀ ਲੈ ਲੈਣੀ ਚਾਹੀਦੀ ਹੈ | ਇਮਾਰਤਾਂ, ਸੜਕਾਂ, ਗਲੀਆਂ ਆਦਿ ਦੇ ਨੰਬਰ ਲਗਾ ਲੈਣੇ ਚਾਹੀਦੇ ਹਨ ਤਾਂ ਜੋ ਚਲਦੇ ਕੰਮ ਵਿੱਚ ਸਮਝਣ ਲਈ ਦੇਰ ਨਾ ਲੱਗੇ |
e)- ਜਦੋਂ ਕਿਸੀ ਮੁਸ਼ਕਿਲ ਸਮੇਂ ਕੰਮ ਦੀ ਦੇਰੀ ਹੋ ਜਾਵੇ ਤਾਂ – ਪ੍ਰੋਜੈਕਟ ਮੈਨੇਜਰ ਉਸ ਉਲਝਣ ਨੂੰ ਸੂਝਬੂਝ ਨਿਮਰਤਾ ਨਾਲ ਸੁਲਝਾਉਣ ਦਾ ਸੱਭ ਤੋਂ ਪਹਿਲਾ ਸਮਰਥ ਅਧਿਕਾਰੀ ਹੈ, ਉਹ ਅਗਜੈਕਟਿਵ ਕਮੇਟੀ ਨਾਲ ਮਸ਼ਵਰੇ ਦੌਰਾਨ ਪਲੇਨ ਨੂੰ ਇਸ ਕਦਰ ਬਦਲ ਸਕਦਾ ਹੈ ਕਿ ਬਾਕੀ ਡਰਾਇੰਗ ਵਿੱਚ ਵਿਘਨ ਨਾ ਪਵੇ |
f)- ਚਾਲੂ ਕੰਮਾਂ ਦੀ ਦੇਖ ਰੇਖ ਕਰਨੀ ਅਤੇ ਉਨ੍ਹਾਂ ਨੂੰ ਯੋਗ ਸਾਧਨਾ ਰਾਹੀ ਸਮੇਂ ਅਨੁਸਾਰ ਸੰਪਨ ਕਰਕੇ ਪੂਰਤੀ ਰਿਪੋਰਟ ਗਵਰਨਿੰਗ ਬੌਡੀ ਕੋਲ ਪੇਸ਼ ਕਰਨਾ |


                    5)- ਲੀਗਲ ਮੈਨੇਜਰ : (Legal & Intelligence Department)
                   1)- FIR  ਦਰਜ ਹੋਣ ਦੀ ਸੂਰਤ ਵਿੱਚ – ਪੁਲਿਸ ਅਤੇ ਅਦਾਲਤੀ ਮੁੱਦਿਆਂ ਨੂੰ ਨਜਿਠਣਾ |
                   2)- ਲੋੜੀਦੇ ਦਸਤਾਵੇਜਾਂ ਨੂੰ ਤਿਆਰ ਕਰਨਾ ਅਤੇ ਸੁਰੱਖਿਅਤ   ਰੱਖਣਾਂ |
                   3)- ਸਬੂਤਾਂ ਨੂੰ ਇੱਕਠੇ ਕਰਨਾ, ਸੰਭਾਲਣਾ ਤੇ ਲੋੜ ਪੈਣ ਤੇ ਪੇਸ਼ ਕਰਨਾ |
4)- ਕੋਈ ਹੋਰ ਮੁੱਦੇ ਜਿਨ੍ਹਾਂ ਨੂੰ ਸਮੇਂ ਸਮੇਂ ਅਨੁਸਾਰ ਹੱਲ/ਪੈਰਵਾਈ  ਕੀਤਾ ਜਾਣਾ ਜਰੂਰੀ ਹੈ,  ਜਿਸ ਨਾਲ ਪਿੰਡ ਦੇ ਵਿਕਾਸ ਕਾਰਜਾਂ  ਵਿੱਚ  ਵਿਘਨ/ਰੁਕਾਵਟ  ਨਾ ਪਵੇ |


16)- ਤਨਖਾਹ/ ਮਿਹਨਤਾਨਾ/ ਭੱਤੇ :-
          ਪਿੰਡ ਮੂਸਾਪੁਰ ਦੇ ਸਰਵ-ਪੱਖੀ ਵਿਕਾਸ ਲਈ, ਪਿੰਡ ਨੂੰ ਸੋਹਣਾ, ਸੁੰਦਰ-ਸਾਫ਼, ਹਰਿਆ-ਭਰਿਆ ਰੱਖਣ ਲਈ, ਪਿੰਡ ਦੇ ਸੁੰਦਰੀਕਰਨ ਲਈ ਪਿੰਡ ਪ੍ਰਤੀ ਦਿਲੀ ਸ਼ਰਧਾ ਭਾਵਨਾ ਰੱਖਣ ਵਾਲੇ ਪਿੰਡ ਵਾਸੀਆਂ ਵੱਲੋਂ ਬਣਾਈ ਗਈ ਇਹ ਸੁਸਾਇਟੀ/ਕਮੇਟੀ  ਹੈ, ਜੋ ਕਿਸੇ ਵੀ ਵਿਅਕਤੀ/ਮੈਂਬਰ ਨੂੰ ਉਸ ਵੱਲੋਂ ਨਿਭਾਏ ਗਏ ਪਿੰਡ ਪ੍ਰਤੀ ਅਣਮੋਲ ਫਰਜਾਂ/ਜਿਮ੍ਹੇਵਾਰੀਆਂ  ਦੀ ਕੀਮਤ ਅਦਾ ਨਹੀਂ ਕਰ ਸਕਦੀ | ਇਹ ਇਕ ਨਿਸਕਾਮ ਸੇਵਾ ਹੈ, ਜੋ ਹਰ ਵਿਆਕਤੀ/ਮੈਂਬਰ ਆਪਣੀ ਇੱਛਾ ਅਨੁਸਾਰ ਪਿੰਡ ਦਾ ਸੇਵਕ/ਸੇਵਾਦਾਰ  ਬਣ ਕੇ  ਨਿਭਾਏਗਾ | ਵਧੀਆ ਕਾਰਗੁਜਾਰੀ ਨਿਭਾਉਣ ਵਾਲੇ ਮੈਂਬਰਾਂ ਨੂੰ ਪਿੰਡ ਪੱਧਰ ਦੇ ਇਜਲਾਸ ਵਿੱਚ ਸਨਮਾਨਿਤ ਕੀਤਾ ਜਾਵੇਗਾ ਅਤੇ ਉਸ ਵੱਲੋਂ ਨਿਭਾਈਆਂ ਸੇਵਾਂਵਾਂ/ਜਿਮ੍ਹੇਵਾਰੀਆਂ ਦਾ ਵਿਉਰਾ ਜਾਹਿਰ ਕੀਤਾ ਜਾਵੇਗਾ ਤਾਂ ਜੋ ਬਾਕੀਆਂ ਨੂੰ ਪ੍ਰੇਰਣਾ ਮਿਲ ਸਕੇ |

17)- ਆਰਥਿਕ ਆਡਿਟ / ਵਿੱਤੀ ਪੜਤਾਲ       
        ਸੁਸਾਇਟੀ/ਸਭਾ/ਕਮੇਟੀ   ਦਾ  ਸਲਾਨਾ ਆਰਥਿਕ/ਵਿੱਤੀ  ਆਡਿਟ,  ਸਾਲ ਵਿੱਚ ਇਕ ਵਾਰ ਹੋਇਆ ਕਰੇਗਾ ਜਿਸ ਨੂੰ ਕਾਬਲ ਤੇ ਯੋਗ ਮਾਹਿਰ ਚਾਰਟਰ ਅਕਾਉਂਟੈਂਟ ਦੁਆਰਾ ਕੀਤਾ ਜਾਵੇਗਾ ਜਿਸ ਨੂੰ ਗਵਰਨਿੰਗ ਬੌਡੀ ਮਤੇ ਤਹਿਤ ਨਾਮਜਦ ਕਰੇਗੀ | ਸੁਸਾਇਟੀ/ਸਭਾ/ਕਮੇਟੀ  ਦਾ  ਵਿੱਤੀ ਵਰ੍ਹਾ ਚਾਲੂ ਸਾਲ ਦੀ ਪਹਿਲੀ ਜਨਵਰੀ ਨੂੰ ਸ਼ੁਰੂ ਹੋਵੇਗਾ ਅਤੇ ਇਕੱਤੀ ਦਸੰਬਰ ਨੂੰ ਸਮਾਪਤ ਹੋਵੇਗਾ  |

18) – ਮਿਆਂਦ / ਵੈਧਤਾ / ਸਮਾਂ ਸੀਮਾਂ:
          ਸੁਸਾਇਟੀ/ਸਭਾ/ਕਮੇਟੀ   ਦੀ ਮਿਆਂਦ  3 (ਤਿਨ) ਸਾਲ  ਹੋਵੇਗੀ | ਲੇਕਿਨ, ਸੱਭ ਤੋਂ ਪਹਿਲੀ ਮਿਆਂਦ 5 (ਪੰਜ) ਸਾਲ ਦੀ ਹੋਵੇਗੀ | ਮਿਆਂਦ ਖਾਤਮੇ ਉਪਰੰਤ ਖੁੱਲੀ ਮੀਟਿੰਗ ਦੌਰਾਨ ਨਿਯਮ ਅਤੇ ਸ਼ਰਤਾਂ ਦੇ ਮੱਦੇਨਜਰ ਮੈਂਬਰਾਂ ਦੀ ਚੋਣ ਕੀਤੀ ਜਾਵੇਗੀ |

19) – ਸੰਸ਼ੋਧਨ / ਸੋਧ :
          ਕੋਈ ਵੀ ਸੋਧ ਕਰਨ ਲਈ ਸੁਸਾਇਟੀ/ਸਭਾ/ਕਮੇਟੀ   ਦੀ ਜਨਰਲ ਬੌਡੀ ਮੀਟਿੰਗ ਜਾਂ ਗਵਰਨਿੰਗ ਬੌਡੀ ਮੀਟਿੰਗ ਦਾ ਦੋ ਤਿਹਾਈ ਬਹੁਮਤ ਹੋਣਾ ਯਕੀਨੀ ਬਣਾਇਆ ਜਾਵੇ | ਇਹ ਸੋਧ ਭਾਰਤੀ ਕਾਨੂਨ “ਸੁਸਾਇਟੀ ਰਜਿਸਟ੍ਰੇਸ਼ਨ ਐਕਟ 1860” ਦੇ ਸੈਕਸ਼ਨ 12 & 12 A ਦੇ ਤਹਿਤ  ਕੀਤੀ ਜਾ ਸਕਦੀ ਹੈ |

20) - ਗਵਰਨਿੰਗ/ ਜਨਰਲ ਬੌਡੀ ਦੀ ਵਾਰਸ਼ਿਕ ਲਿਸਟ ਜਾਰੀ ਕਰਨਾ :
  ਗਵਰਨਿੰਗ ਅਤੇ ਜਨਰਲ ਬੌਡੀ ਮੈਂਬਰਾਂ ਦਾ ਬਾਇਓ-ਡਾਟਾ ਮੈਂਬਰਸ਼ਿਪ ਰਜਿਸਟਰ ਵਿੱਚ ਦਰਜ ਹੋਣਾ ਯਕੀਨੀ ਬਣਾਇਆ ਜਾਵੇ ਅਤੇ ਉਸ ਦੀ ਲਿਸਟ ਹਰੇਕ ਵਿੱਤੀ ਸਾਲ ਦੇ ਸ਼ੁਰੂ ਵਿੱਚ  ਜਨਤਕ (Public) ਕੀਤੀ ਜਾਵੇ |

21) - ਸੁਸਾਇਟੀ/ ਸਭਾ ਦਾ ਭੰਗ ਹੋਣਾ :
          ਸੁਸਾਇਟੀਆਂ/ਸਭਾਵਾਂ/ਕਮੇਟੀਆਂ   ਦੇ ਭਾਰਤੀ ਕਾਨੂੰਨ “ਸੁਸਾਇਟੀ ਰਜਿਸਟ੍ਰੇਸ਼ਨ ਐਕਟ 1860” ਦੀ ਧਾਰਾ 13 & 14 ਤਹਿਤ ਸੁਸਾਇਟੀ/ਸਭਾ/ਕਮੇਟੀ  ਨੂੰ ਭੰਗ ਕੀਤਾ ਜਾ ਸਕਦਾ ਹੈ | ਸੁਸਾਇਟੀ/ਕਮੇਟੀ  ਦਾ ਉਧਾਰ  ਖਾਤਾ ਭਾਰੀ ਹੋਣ ਉਪਰੰਤ ਮੈਂਬਰਾਂ ਦਾ ਆਪਸੀ ਮਨੋਬਲ/ਅਵਿਸ਼ਵਾਸ਼ ਵਧ ਜਾਣ ਕਾਰਨ, ਸਭਾ ਦੀ ਜਮਾਂ ਪੂੰਜੀ/ਸਾਧਨ ਰਾਹੀ ਚੁਕਤਾ ਨਾ ਹੋਣ ਦੀ ਸੂਰਤ ਵਿੱਚ, ਮੈਂਬਰਾਂ ਦਾ ਮੁਨਕਰ ਹੋਣ ਦੀ ਸੂਰਤ ਵਿੱਚ, ਆਪਸੀ ਤਕਰਾਰ ਵਧ ਜਾਣ ਕਾਰਨ ਜਾਂ  ਮਾਨਯੋਗ ਅਦਾਲਤ ਦੇ ਹੁਕਮਾਂ ਅਨੁਸਾਰ ਸੁਸਾਇਟੀ/ਸਭਾ/ਕਮੇਟੀ  ਨੂੰ ਭੰਗ ਕੀਤਾ ਜਾ ਸਕਦਾ ਹੈ |

22) – ਸੁਸਾਇਟੀ ਸਭਾ ਨੂੰ ਰਜਿਸਟ੍ਰੇਸ਼ਨ ਐਕਟ ਦੇ ਅਨੁਕੂਲ  ਬਣਾਉਣਾ :   ਸੁਸਾਇਟੀ ਸਭਾ ਦੇ ਹਰੇਕ ਮੈਂਬਰ ਦੀ ਇਹ ਨਿੱਜੀ ਜਿਮ੍ਹੇਵਾਰੀ ਬਣਦੀ ਹੈ ਕਿ ਉਹ ਇਸ "ਗਰਾਮ ਵਿਕਾਸ ਕਮੇਟੀ "  ਨੂੰ ਹਰ ਯੋਗ ਤੇ ਸੰਭਵ  ਵਸੀਲੇ ਰਾਹੀ ਪਿੰਡ  ਦੇ ਭਲੇ ਵਿਕਾਸ ਲਈ ਭਾਰਤੀ ਕਾਨੂੰਨ ਦੇ ਅਨੁਕੂਲ ਬਣਾਵੇ | ਹਰੇਕ ਪਿੰਡ ਵਾਸੀ ਇਸ ਨੂੰ ਆਪਣੀ ਨਿੱਜੀ ਜਿੰਦਗੀ ਵਿੱਚ ਅਪਣਾਉਣ ਦੀ ਕੋਸ਼ਿਸ਼ ਕਰੇ |

23) -  ਸਰਟੀਫਿਕੇਟ :
          ਸੁਸਾਇਟੀ/ਸਭਾ/ਕਮੇਟੀ  ਦੀ ਸਵਿਧਾਨਿਕ ਟੀਮ  ਵੱਲੋਂ ਤਿਆਰ ਕੀਤੀ ਤੇ ਪ੍ਰਮਾਣਿਤ ਕੀਤੀ ਹੋਈ ਨਿਯਮ ਅਤੇ ਬੱਧਤਾ ਦੀ ਇਹ ਅਸਲ ਕਾਪੀ ਹੈ ਜਿਸ ਨੂੰ ਤਸਦੀਕ ਕਰਕੇ ਭੇਜਿਆ ਜਾਂਦਾ ਹੈ ਅਤੇ ਪਿੰਡ ਲਈ ਲਾਗੂ ਕਰਨ ਦੀ ਸਿਫਾਰਿਸ਼ ਕੀਤੀ ਜਾਂਦੀ ਹੈ |

ਸੰਵਿਧਾਨਿਕ ਟੀਮ  :
1. ਸ਼੍ਰੀ ਸਤਨਾਮ ਦੀਪਕ ਬੰਗਾ (Administrator -Banking),
2. ਸ਼੍ਰੀ ਜਗਜੀਤ ਸਿੰਘ ਜੀ ਛੋਕਰ (Retd. DEO -Education),
3. ਸ਼੍ਰੀ ਤਰਸੇਮ ਸਿੰਘ ਜੀ (Retd. Subedar -Army),
4. ਸ਼੍ਰੀ ਕੁੰਦਨ ਸਿੰਘ ਜੀ (Retd. Ministerial Services -PSEB),
5. ਸ਼੍ਰੀ ਪਰਦੀਪ ਕੁਮਾਰ ਬੱਸੀ (Panch -Current),
6. ਸ਼੍ਰੀ ਰਮੇਸ਼ ਕੁਮਾਰ ਗੁਰੂ (Retd. Subedar -Army).

                     ------- 0 -----
Written by : Mr. Satnam Deepak "Banga"

Comments

Popular posts from this blog

Village Development Society (ਗਰਾਮ ਵਿਕਾਸ ਸਭਾ)

STRUCTURE OF SOCIETY/SABHA